閩南語白話文運動心得

提著有因著有字佮教化兮精神，咱閩南語一定著愛有一套書寫系統。因為閩南語使用人口大部分長期受殖民教育、閩南語漢學也人口老化凋零、無予人納入教育系統、研究人員欠缺等，漢字兮使用受到誠大兮限制，通篇漢字兮文章抑文學干焦是冰山一角，因為安爾，閩南語部分人口使用拼音來做書寫工具，毋過拼音定咧用兮又各分作教會羅馬拼音(教羅)、台灣羅馬拼音(台羅)、通用拼音(通用)三種，本部落格是使用台灣羅馬拼音，因為即个拼音法是台灣主流，而且方便電腦輸入。

若勿可慮用字爭議者像是訓讀，閩南語白話文元但有一可需要改進兮問題。親像文白異讀、破讀(勾破音)佮變調，拄好是漢字所無法表現兮，之著是大部分拒絕閩南語白話文煞甘願用拼音兮原因，之無毋著，進也尊重伊人。

捌普通話白話文兮人攏知也，著算有破讀兮狀況之下，其實是無礙閱讀兮。好，毋過我著是足想必表現勾破音佮連讀變調兮啦!!!雖然漢字毋是表音文字而是語素文字，必安怎則會使表現文白異讀咧?之是一個好問題，若解決著會使佇教育上幫助閱讀，毋過解決方法認真想著有。

讀進也有想著標示文白異讀兮方法，無過並毋是規範用法：方法有兩種，第一著是像廣府話文白用兩種字，毋個進也感覺奚傷麻煩，有正字下咧毋用是咧創啥，第二種較簡單，用符號兮方式標文讀音，例：香港買兮香真芳。轉作：香'港買兮香真芳。佇香兮邊也加一個「'」，看起來為殤突兀，嘛未傷痞看，阿若仝時毋但一字咧，例：大寒小寒未冷干焦凝。不如使用底線(__)：大寒佮小寒未冷干焦凝。毋個底線無法佇FB等網路留言出現，若講到大寒佮小寒咧，用""因為無方向性，例："大寒"佮"小寒"未冷"干"焦凝。"佮""未冷"會予誤讀作文讀音啊。亦是講用< >亦是[ ]咧!?(毋用「」、()因為有定用兮固定用法)。想想咧用[]好矣，用< >看起來足佔位兮啦，例：[香]港買兮香真芳、[大寒小寒]未冷干焦凝，進也決定矣，著用[]好矣。

啊若是變調咧，拼音是用"-"加佇字後表示連讀變調，佇白話文，我想既然是連讀，安爾連讀詞著正常表示，無變調兮著佇後面空一格，例：大寒 佮小寒 未冷 干焦凝。呣，無影響閱讀，又各會使表現連讀變調兮狀況，可以。

綜合文白易讀佮連續變調兮標示法，例：[大寒] 佮[小寒] 未冷 [干]焦凝。目前看無啥大問題，毋過進也感覺文讀音應該是無啥必要標，因為有一可詞用文讀音已經是習慣用法，像是[大寒]、[小寒]、[干]焦，無標嘛無啥影響啊!!!